Best urdu ghazals about love- UrduFunPoint

 Best urdu ghazals about love

غزل"

سیّد عبدالحمید عدم

خُوش ہُوں کہ زندگی نے کوئی کام کر دیا

مُجھ کو سپُردِ گردشِ ایّام کر دیا

ساقی سیاہ خانہء ہستی میں دیکھنا

روشن چراغ کِس نے سرِ شام کر دیا

پہلے مِرے خلُوص کو دیتے رہے فریب

آخر مِرے خلُوص کو بدنام کر دیا

کِس بے تکلّفی سے فسانہ نگار نے

آغاز کو بگاڑ کے انجام کر دیا

کِتنی دُعائیں دُوں تِری زُلفِ دراز کو

کِتنا وسیع سلسلہء دام کر دیا

وہ چشمِ مَست کِتنی خبردار تھی عدمؔ

خود ہوش میں رہی، ہمیں بدنام کر دیا

شاعر:عبدالحمید عدم

 Best urdu ghazals about love

سینے میں راز عشق چھپایا نہ جائے گا

یہ آگ وہ ہے جس کو دبایا نہ جائے گا

سن لیجیے کہ ہے ابھی آغاز عاشقی

پھر ہم سے اپنا حال سنایا نہ جائے گا

اب صلح و آشتی کے زمانے گزر گئے

اب دوستی کا ہاتھ بڑھایا نہ جائے گا

ہم آہ تک بھی لا نہ سکیں گے زبان پر

وہ روٹھ جائیں گے تو منایا نہ جائے گا

وہ دور ہیں تو دل کو ہے اک اضطراب سا

وہ آئیں گے تو آپ میں آیا نہ جائے گا

شاعر:حفیظ جالندھری

 Best urdu ghazals about love

پھر حریف بہار ہو بیٹھے

جانے کس کس کو آج رو بیٹھے

تھی مگر اتنی رائیگاں بھی نہ تھی

آج کچھ زندگی سے کھو بیٹھے

تیرے در تک پہنچ کے لوٹ آئے

عشق کی آبرو ڈبو بیٹھے

ساری دنیا سے دور ہو جائے

جو ذرا تیرے پاس ہو بیٹھے

نہ گئی تیری بے رخی نہ گئی

ہم تری آرزو بھی کھو بیٹھے

فیضؔ ہوتا رہے جو ہونا ہے

شعر لکھتے رہا کرو بیٹھے

شاعر:فیض احمد فیض

You may also like:👇👇👇

👉👉Jaun elia 2 line urdu poetry. 

👉👉2 line romantic urdu poetry

 Best urdu ghazals about love

بن میں ویراں تھی نظر شہر میں دل روتا ہے

زندگی سے یہ مرا دوسرا سمجھوتا ہے

لہلہاتے ہوئے خوابوں سے مری آنکھوں تک

رت جگے کاشت نہ کر لے تو وہ کب سوتا ہے

جس کو اس فصل میں ہونا ہے برابر کا شریک

میرے احساس میں تنہائیاں کیوں بوتا ہے

نام لکھ لکھ کے ترا پھول بنانے والا

آج پھر شبنمیں آنکھوں سے ورق دھوتا ہے

تیرے بخشے ہوئے اک غم کا کرشمہ ہے کہ اب

جو بھی غم ہو مرے معیار سے کم ہوتا ہے

سو گئے شہر محبت کے سبھی داغ و چراغ

ایک سایہ پس دیوار ابھی روتا ہے

یہ بھی اک رنگ ہے شاید مری محرومی کا

کوئی ہنس دے تو محبت کا گماں ہوتا ہے

شاعر:غلام محمد قاصر

 Best urdu ghazals about love

اب اور کیا کسی سے مراسم بڑھائیں ہم

یہ بھی بہت ہے تجھ کو اگر بھول جائیں ہم

صحرائے زندگی میں کوئی دوسرا نہ تھا

سنتے رہے ہیں آپ ہی اپنی صدائیں ہم

اس زندگی میں اتنی فراغت کسے نصیب

اتنا نہ یاد آ کہ تجھے بھول جائیں ہم

تو اتنی دل زدہ تو نہ تھی اے شب فراق

آ تیرے راستے میں ستارے لٹائیں ہم

وہ لوگ اب کہاں ہیں جو کہتے تھے کل فرازؔ

ہے ہے خدا نہ کردہ تجھے بھی رلائیں ہم

شاعر:احمد فراز

 Best urdu ghazals about love

تمام عمر کبھی مجھ سے حل ہوا ہی نہ تھا

وہ مسئلہ جو حقیقت میں مسئلہ ہی نہ تھا

بدن سے جس کی تھکن آج تک نہیں اتری

میں اس سفر پہ روانہ کبھی ہوا ہی نہ تھا

کچھ اس لیے بھی مجھے ہجر میں سہولت ہے

ترا وصال کبھی میرا مدعا ہی نہ تھا

بدن کا بھید کھلا ہے ترا بدن چھو کر

یہ مصرع مجھ پہ وگرنہ کبھی کھلا ہی نہ تھا

اسی لیے تو مجھے لوٹنا پڑا سیدؔ

کہ میرے پاس کوئی اور راستہ ہی نہ تھا

شاعر:سید فضل گیلانی

 Best urdu ghazals about love

اب چھلکتے ہوئے ساغر نہیں دیکھے جاتے

توبہ کے بعد یہ منظر نہیں دیکھے جاتے

مست کر کے مجھے اوروں کو لگا منہ ساقی

یہ کرم ہوش میں رہ کر نہیں دیکھے جاتے

ساتھ ہر ایک کو اس راہ میں چلنا ہوگا

عشق میں رہزن و رہبر نہیں دیکھے جاتے

ہم نے دیکھا ہے زمانے کا بدلنا لیکن

ان کے بدلے ہوئے تیور نہیں دیکھے جاتے

شاعر:علی احمد جلیلی

 Best urdu ghazals about love

تم نے کیسا یہ رابطہ رکھا

نہ ملے ہو نہ فاصلہ رکھا

نہیں چاہا کسی کو تیرے سوا

تو نے ہم کو بھی پارسا رکھا

پھول کھلتے ہی کھل گئیں آنکھیں

کس نے خوشبو میں سانحہ رکھا

تو نہ رسوا ہو اس لیے ہم نے

اپنی چاہت پہ دائرہ رکھا

جھوٹ بولا تو عمر بھر بولا

تم نے اس میں بھی ضابطہ رکھا

کوئی دیکھے یہ سادگی اپنی

پھول یادوں کا اک سجا رکھا

سعدؔ الجھا رہا مگر اس نے

تجھ سے ملنے کا راستہ رکھا

شاعر:سعداللہ شاہ